Ku e çuat Shpëtimin ?

Një histori e vërtetë

Nga Adelina gina

Adelina Gina lindi më 16 maj 1948 në Tiranë. Kreu studimet e larta për Gjuhë-Letërsi Shqipe në USHT në vitin 1970. Punoi gazetare në gazetën "Mësuesi" deri në vitin 1976 dhe pastaj mësuese në shkollën e mesme "Ismail Qemali" në Tiranë.

Drama e saj "Dikush erdhi" u vu në skenë në vitin 1972 dhe u ndalua si vepër moderniste. Ajo ka botuar herë pas here në shtypin periodik të kohës artikuj për kulturën dhe artin.

Fragmente nga libri “Ku e çuat Shpëtimin ?“

… Atë vit unë përfundova dramën që e titullova "Ajo, Ai dhe Ajo" dhe që më vonë u afishua me emrin "Dikush erdhi". Drama u vu në skenë nga trupa e Institutit të Lartë të Arteve. Studentët e vitit të fundit mbronin diplomën me këtë dramë. Drama u ndalua si vepër moderniste. Dy ditë me rradhë, salla e teatrit ishte mbushur plot, në skenë ishte ngjitur një copë jetë e ndaluar, një rini që guxonte të ëndërronte një jetë tjetër, që shpresonte. Ishin thyer kornizat e realizmit socialist. Jeta e saj qe e shkurtër. Në atë kohë unë fillova punën si gazetare. Miqtë e mi më këshilluan ta le me kaq, sepse mund të më prishte punën e gazetës.

Një natë, kur po ktheheshim nga një koncert, Shpëtimi më tha: "Më mirë me një dramë të ndaluar, se me një që shfaqet natë për natë dhe bëhet bajate. Ti kështu je më interesante. I pe sesi kthenin kokën njerëzit nga ty? Ata për ty po flisnin. Një vajzë e re me një dramë që çudit publikun. Ata akoma nuk kanë ardhur në vete, çfarë doje t'u thoshje ti, ata nuk e dinë. E mban mend atë natë. Ata ngrinë, nuk dinin ç'të bënin, pastaj pa pritur ata e kuptuan dhe të duartrokitën, nuk largoheshin. Gjithë salla ishte me ty. Mua më pëlqen të shkruaj drama. Kur ti shkruan një dramë, po unë që jam më i zoti se ty? Dëgjo, sa faqe kishte drama jote?". "Pesëdhjetë e pesë", thashë unë. "Mirë, sonte unë do të punoj deri vonë". Ne të dy jetonim tek halla, ajo kishte dy djemë, me të jetonte dhe gjyshja. Ai punoi gjithë natën dhe kur u ngrita në mëngjes e gjeta që po flinte mbi tavolinë. Ai shkruante direkt në makinën e shkrimit. Kudo ishin shpërndarë fletë të shtypura. U zgjua dhe murmuriti: "Mblidhi, janë pesëdhjetë e tetë". Kjo ishte drama. "Një midis katër dashurive", që ai e shkroi brenda një nate. Atë kohë ai ishte njëzet vjeç. (Lexo më shumë).

SKËNDER SHKUPI

Gazetar, Kritik

DITA" DHE "NATA" E NJE JETE 

Shënime për librin e Adelina Ginës, "Ku e çuat Shpëtimin"

Gazeta Albania, prill 2002

… Ajo ishte një familje si shumë të tjera ku lumturia e fatkeqësia, kënaqësia e brenga, gëzimi e hidhërimi ishin mpleksur aq fort midis tyre sa shpesh nuk prisnin radhë. Ato derdheshin te shkujdesura mbi fatet e njerëzve duke i ngritur ata herë-herë mbi kreshtat e dallgëve ngazëlluese apo, më shpesh, duke i fundosur në humnerat e dëshpërimit. Midis atyre njerëzve që ishin si gjithë të tjerët jetonte një djalosh që nuk ishte si gjithë të tjerët. Ai ishte Shpëtimi i cili, në moshën 21-vjeçare shkroi një dramë që nuk ishte si të tjerat : një himn që i kushtohej humanizmit. Ky himn ishte një zë i bukur në shkretëtirën e tërbimit inatçor të luftës së klasave. Kakofonia e mllefit ilogjik e mbyti atë zë harmonik qysh në gjenezë. E pas një "dite" të shkurtër, një rinie të saponisur të Shpëtimit, pas një ndriçimi meteorik që u ndez e u shua sakaq, pasoi "nata" e gjatë e një jete të këputur në mes për familjarët e tij më të afërt, për motrat, vëllanë dhe babanë fatkeq, "natë" e cila u ngërthye në pyetjen e ankthshme që s’mori kurrë përgjigje : "Ku e çuat Shpëtimin" ?

Ky është edhe titulli i librit të fundit të Adelina Ginës, motrës së Shpëtimit e cila, ndonëse me natyrë tejet modeste, dëshmon realisht, me këtë vepër, një fuqi të jashtëzakonshme artistike. Ata që e njohin Adelinën nga afër, meqenëse ajo flet vazhdimisht për talentin e madh të një vëllai që nuk arriti ta kultivojë plotësisht atë pasi u nda nga jeta në moshën 23-vjeçare, janë të predispozuar të gabojnë në mënyrë të pavetëdijshme në vlerësimin e së motrës. Ndërkohë që vetë Adelina është një talent i padiskutueshëm.Lexo më shumë

“Ku e çuat Shpëtimin” – një akuzë e fortë ndaj Sigurimit të Shtetit.

Promovohet libri i ri i Adelina Ginës.

Nga Altin Alimehmeti

Botuar në gazetën Illyria në maj 2002.

Para disa ditësh u promovua libri “Ku e çuat Shpëtimin”, i autores Adelina Gina. Në këtë aktivitet të zhvilluar në restorantin “Rozafa” të Halit Shpuzës morën pjesë dhjetëra shqiptarë që prej vitesh punojnë e jetojnë në Shtetet e Bashkuara të Amerikës.

Autorja Gina tha se libri është një akuzë e fortë ndaj asaj dore të zezë që në Shqipërinë komuniste quhej “Sigurimi i Shtetit”, në Gjermaninë naziste “Gestapo” dhe në Rusi “KGB”...(Lexo më shumë).

Customer Reviews at amazon.com:

1 of 1 people found the following review helpful:

5.0 out of 5 stars Interesting story, December 30, 2009

By	Joana Cece (New York) - See all my reviews (REAL NAME)

I highly recommend this book to whoever is interested in reading a compelling story about totalitarian regimes, secret services and the dangers of an artistic life during that time. This book is also a window to Albanian culture, traditions and student life in the 1970-80's.
A very painful and fascinating true story, situated in Albania, an Eastern European communist country. The book gives an insight on how people in that time were controlled by the secret service and how frightening the totalitarian regime was. The main character, Shpetim, was a young and gifted artist. He wanted to express something different and innovative with his writing. However, he faced bitter consequences from the instruments of a regime that suppressed creativity and closed the lid on freedom of expression. Shpetim's theatrical plays and documentaries were not open to the public due to their liberalistic ideas. Shpetim was a very courageous and honest writer, who was very open with his thoughts. His life ended abruptly at the young age of twenty-two. His death raised many unanswered questions and left his family disconsolated.
Ms. Gina, has an impressive way of telling the story. Her fluid narrative draws a very vivid picture of places and characters of that time. Ms. Gina's attractive way of telling the story, combined with her spiritual and emotional dimension, makes this book very special and unique.

1970's Albania, February 5, 2007

By	Daniel Green (Brooklyn, NY) -

"Where Is My Brother?" is a very personal and fascinating autobiographical account of life in Communist Albania in the 1970s. The story centers around the relationship between the author and her brother, Shpetim, who inexplicably disappeared in August, 1974, reported dead from a drowning accident. This report, however, appears frought with holes and slippery, ever-changing accounts of what really happened, leaving the author with little consolation and supreme doubt of the actual event. Her search for the truth then begins in a time and place where truth has become a lost commodity….

A Frightening True Story, September 4, 2008

By	Das (Bronx, NY) -

Where is My Brother? is part memoir, part unsolved mystery. Ms. Gina tells the story of one family's experiences in totalitarian Albania. The story is told in a straightforward manner, as though one is sitting in Ms. Gina's living room hearing her relate the tale. The language of the story in translation compellingly invokes the cadences and thought patterns of the original language.

crisp and engaging, July 28, 2008

By	Judy Tung (new york city) -

Adelina Gina manages to transport her readers to a time and a place most know little about. She is unabashedly honest, endearing her protagonist to readers immediately. Her sophisticated writing manages to convey political tension alongside youth and whimsy. A thoroughly enjoyable read. Does leave one in anticipation for a sequel. (Lexo më shumë).

Fatmir Berati,

Studiues

Shpëtim Gina – gjeniu i zhdukur në vorbullën e diktaturës

Elsa Demo

Gazetare, Kritike

Shekulli, Marte, 04 Nentor 2008

Adelina: J’accuse

Nga mesi i muajit nëntor prezantohet në Universitetin e Binghamtonit, Nju Jork, “Where is my brother? A true story” i Adelina Ginës.

Adelina Gina, një emër jo i panjohur në rrethet e artit në Tiranën e viteve 70, prezanton për një auditor universitar në Nju Jork, romanin dokumentar “Ku e çuat Shpëtimin”. Akuza e motrës ndaj Sigurimit të Shtetit për vdekjen e mistershme të vëllait, dramaturgut Shpëtim Gina, “mbetet në fuqi”, 34 vjet më pas

Nga mesi i muajit nëntor prezantohet në Universitetin e Binghamtonit, Nju Jork, “Where is my brother? A true story” i Adelina Ginës. Libërthi në anglishte i autores shqiptare është shkas për ta takuar auditorin e ri me një vend të Ballkanit gjatë epokës historike që mbylli shekullin e XX-të, nën regjimin dhe raportet e tij shumëplanëshe, me qytetarët, me artin, me vetë shtetin dhe me purgatorin e demokracisë, pak pas rënies së diktaturës së proletariatit.

Libri i saj “Ku e çuat Shpëtimin” u botua shqip në Amerikë nga Kurti Publishing më 2002. Më 2006 u përkthye dheu botua në gjuhën angleze po në Amerikë nga BookSurge Publishing. (Lexo më shumë).

Foto nga prezantimi i librit “Where is my brother” në Universitetin e Binghamtonit – SUNY, sponsorizuar nga Departmenti i Zhvillimit Human dhe Kolegji i Komunitetit dhe Punëve Publike, me përfaqësuese Profesoreshën Gladys M. Jimeñez-Muñoz.